Walt Disney වෝල්ට් ඩිස්නි (ක්‍රි.ව 1905 - 1966)

මිකී මවුස් ( Micky mouse ) ඩොනල්ඩ් ඩක් ( Donald Duck ) හා ඩිස්නිලන්තය ( Disneyland ) ගැන නොඇසූ වර්තමාන දරුවෙකු නොමැත. මිකී මවුස් තරම් ජනප්‍රිය වූ කාටූන් චරිතයක් තවත් නැතැයි කිව යුතුය. එය දශක හැත්තෑවකට නුදුරු කාලයක් තුළ සිනමාපට , කාටූන් , චිත්‍රපොත් හා ටෙලි චිත්‍රපට ආදී විවිධාකාර මාධ්‍ය ඔස්සේ සුවහස් ගණනක් ජනතාව බාල -තරුණ -මහලු භේදයක් නැතිව ප්‍රමුදිත කරවා ඇත. මිකී මවුස් තරම්ම එය නිර්මාණය කළ පුද්ගලයා ද එකසේ ජනප්‍රිය වූයේය. ඔහු වෝල්ට් ඩිස්නි නමින් හැඳින්විණ.+

වෝල්ට් එලිවාස් ඩිස්නි ( Walter Elivas Disney ) 1905.12.05 දින එක්සත් ජනපදයේ චිකාගෝ නුවර දිළිදු කම්කරු යුවලකට දාව උපන්නේය. කුඩා වියේ සිටම ඔහු චිත්‍ර කලාව කෙරෙහි උනන්දුවක් දැක්වීය. සිනමාව පිළිබද පොතපත කියවීම එම නුයැලි පුදිගලයින් ආශ්‍රය කිරීම හා ඔවුන්ගේ කටයුතුවලදී සහාය වීම යන ක්‍රම මගින් ඩිස්නි ඉතා ඉක්මනින් එම කාලාව ගැන උගත්තේය. එම දැනුම භාවිතා කරමින් ඔහු 1919 වර්ෂයේ කැන්සාස් නුවර වෙළද ප්‍රචාරණ සිනමා පට නිපදවීම ඇරඹිය. ඊට පසු හොලිවුඩ් පුරයට ගිය ඔහු තම සොයුරු රෝයි හා එක්ව කුඩා සමාගමක් පිහිටුවාගෙන 1928 දී ප්‍රථම මිකී මවුස් කාටූන් සිනමා පටය නිෂ්පාදනය කළේය. ( Mickey Mouse Plane Crazy ) නම් වූ එය නිහඩ චිත්‍රපටයකි.

එම කාටූන් චිත්‍රපටය අතිශයින් ජනප්‍රිය වූයෙන් ඉන් දිරිගැන්වුනු ඩිස්නි එම වර්ෂයේම ( Micky Mouse - Steamboat Willie ) නම් ශබ්ද සහිත කාටූන් චිත්‍රපටය නිෂ්පාදනය කළේය. ඩිස්නිගේ මිකී මවුස් චරිතය ඇන්දේ උබී ඉවර්කස් නම් චිත්‍ර ශිල්පියාය . ඔහු ආවසානය දක්වාම වෝල්ට් ඩිස්නිට නැතුවම බැරි සගයෙක් විය. මෙම කාටූන් චිත්‍රපට වල මිකී මවුස් හට හඩකැවීම් කළේ ඩිස්නිමය.මිකී මවුස් චරිතය නිර්මාණය කිරීම වෙනුවෙන් 1931 වර්ෂයේ ඩිස්නිට එක්සත් ජනපදයේ ඇකඩමි ත්‍යාගය ( Academy Award ) ලැබිණ. තම මිකී මවුස් කාටූන් චිත්‍රපට ජනප්‍රිය වෙත්ම වෝල්ට් ඩිස්නි වෙනත් චරිත යොදා ගනිමින් , පැරණි සුරංගනා කතා සහ ජනප්‍රිය ළමා කතා වස්තු කර ගනිමින් කාටූන් චිත්‍රපට නිපදවන්නට පටන් ගනී. Snow White and the Seven Dwarts ( 1937 ) , Pinocchio ( 1938) , Fantasia (1940) ඉන් සමහරකි.

ඩිස්නිසාමාන්‍ය සිනමා පට කිහිපක්ම නිපදෙව්වේය. Seal Island ( 1948 ) , Beaver Valley ( 1950 ) , Davy Poppins (1965) ඒවායි. ඔහු 1961 දී රූපවාහිනිය සදහා මිකී මවුස් චිත්‍රපට මාලාවක්ම තැනුවේය. අඩ සියවසක පමණ කාලයක් වයස් භේදයකින් තොරව සුවහස් ගණන් ලෝකවාසීන් ප්‍රීතිමත් කළ්a වෝල්ට් ඩිස්නි 1966.12.16 දින කැලිෆෝනියාවේ ලොස් ඇන්ජලීස් නුවර දී පරලෝ සැපත් විය.

ඔහු විසින් එක්සත් ජනපදයේ කැලිෆෝනියාවේ පිහිටුවන ලද ඩිස්නිලන්තය හා ෆ්ලොරිඩාවේ පිහිටුවන ලද ඩිස්නි ලෝකය ( Disney World ) හැරුණ් විට අද ජපානයේ , එංගලන්තයේ , කැනඩාව ඇතුලු රටවල් කිහිපයකම ළමුන් සදහා විස්නිලන්තය පැවැත්වේ. සියදහස් ගණන් ළමෝ ඒවාට පැමිණ සිත්සේ සතුටු වී යයි.